საქართველოს კულტურული მემკვიდრეობის დაცვის ეროვნული სააგენტო თავისუფლების მოედანზე მიმდინარე სარეაბილიტაციო სამუშაოებისას მიწის ქვეშ, არქეოლოგიური ფენებისა და არტეფაქტების გამოვლენის შემთხვევების შესახებ განცხადებას ავრცელებს.
სააგენტოს ცნობით, თბილისის მერია მათ ოპერატიულად აწვდის ინფორმაციას და შემდგომი მოქმედებების შესახებ გადაწყვეტილებებს სააგენტოს რეკომენდაციების საფუძველზე იღებს.
განცხადებაში აღნიშნულია, რომ სააგენტოს სპეციალისტებმა ობიექტების პირველადი შესწავლა და ფიქსაცია მყისიერად განახორციელეს.
თბილისში, რუსთაველის გამზირზე ინფრასტრუქტურის რეაბილიტაციის სამუშაოების პროცესში არქეოლოგიური ფენებისა და არტეფაქტების გამოვლენის შემთხვევების შესახებ თბილისის მუნიციპალიტეტის მერია კულტურული მემკვიდრეობის დაცვის ეროვნულ სააგენტოს ოპერატიულად აწვდის ინფორმაციას და შემდგომი მოქმედებების შესახებ გადაწყვეტილებებს სააგენტოს რეკომენდაციების საფუძველზე იღებს.
მიმდინარე სარეაბილიტაციო სამუშაოებისას ამ დროისთვის გამოვლენილი ობიექტების პირველადი შესწავლა და ფიქსაცია კულტურული მემკვიდრეობის დაცვის ეროვნული სააგენტოს სპეციალისტებმა მყისიერად განახორციელეს.
სააგენტოს რეკომენდაციის საფუძველზე, ყველა საჭირო შემთხვევაში, ინფრასტრუქტურული სამუშაოები კვალიფიციური არქეოლოგის (არქეოლოგების) ზედამხედველობით განხორციელდება, ხოლო ახალი არქეოლოგიური კერების გამოჩენისთანავე დაუყოვნებლივ ეცნობება სააგენტოს, რათა დროულად მოხდეს კანონმდებლობით განსაზღვრული პროცედურების გატარება,” – წერს საქართველოს კულტურული მემკვიდრეობის დაცვის ეროვნული სააგენტო.