“ამ დღეებში ერთმა “ექსპერტმა” ბრწყინვალე ნათია გოგსაძესთან გამართულ ეთერში თქვა, რომ რუსეთმა დაარღვია საქართველოსთან დადებული სამივე ხელშეკრულება. გეორგიევსკის ტრაქტატი, 1920 წლის ხელშეკრულება და 1993 წლის სოჭის შეთანხმება.
ეს სამივე კი დაარღვია, მაგრამ ამავე “ექსპერტს” ეტყობა დაავიწყდა ან საერთოდ არ გაუგია კიდევ 4 (ე.ი. სულ 7) დარღვეული ხელშეკრულების შესახებ, კერძოდ 1992 წლის დაგომისის ხელშეკრულების, 1992 წლის მოსკოვის შეთანხმების, რის შედეგად დაეცა გაგრა და რუსებს გაეხსნათ გუდაუთის დერეფანი, 2008 წლის სააკაშვილ-სარკოზი-მედვედევის შეთანხმება, რომლის თანახმად ყველა რუს ჯარისკაცს უნდა დაეტოვებინა საქართველოს მთელი ტერიტორია.
ასევე არსებობს 2011 წლის საქართველო-შვეიცარია-რუსეთის შეთანხმება ფსოუზე საქართველოს მიერ კონტროლირებად საბაჟო პუნქტის დაყენების შესახებ, რაც რა თქმა უნდა არ სრულდება.
ხოდა ამ “ექსპერტებს” მინდა ვურჩიო იქნებ ცოტა პაუზა მაინც აიღოთ ეთერებს შორის და ოდნავ მაინც რამე წაიკითხოთ, Homework გააკეთოთ, მანამდე სანამ განაახლებდეთ თქვენი ძალიან არასრულყოფილი ცოდნის აუდიტორიაზე გადაცემას.
და ასევე იმავე გადაცემაში, მეორე ექსპერტმა, რომელიც აწ უკვე დაშლილი პარტიის წევრია, თქვა რომ ივანიშვილი ვერ გაბედავს რუსებთან ხელშეკრულების გაფორმებას. ზურა პაპასკირი ამოდის იქიდან, რომ ივანიშვილი რუსეთთან მიმართებაში სუბიექტურია. სინამდვილეში ის ზუსტად ისეა რუსებისგან დამოუკიდებელი, როგორც “სამხრეთ ოსეთი”. როდის რა უნდა გაფორმდეს წყვეტს მოსკოვი”, – წერს მიხეილ სააკაშვილი სოციალურ ქსელში.
მიხეილ სააკაშვილი ციხიდან წერილს ავრცელებს
