ირაკლიი ღარიბაშვილი გვეუბნება, რომ სახელმწიფო ინტერესების გამო ეწამა, ერთი ცალი სახელმწიფოს ინტერესი დამისახელოს ან მან ან მისმა გუშინდელმა თუ დღევანდელმა თანამოაზრეებმა – ასეთ აფასებს დავით უსუფაშვილი ირაკლი ღარიბაშვილის მიერ გავრცელებულ განცხადებას.
ირაკლი ღარიბაშვილი: “წერილი გამომიგზავნა მამუკა მდინარაძემ
უსუფაშვილის თქმით, არავითარი მნიშვნელობა არ აქვს, ვინ ვის გაუგზავნა წერილი. პოლიტიკოსის განცხადებით, აქ მთავარი არის ის, რომ “რეჟიმი სრულად არის იმ დაავადების მსხვერპლი, რასაც ჰქვია, ძალაუფლება რომ ჰრყვნის და აბსოლუტური ძალაუფლება აბსოლუტურად ჰრყვნის”.
აქ არავითარი მნიშვნელობა არ აქვს, რა გვარის და სახელის ყოფილი თანამდებობის პირია ციხეში, რა გვარის და სახელის თანამდებობის პირი ამას იმას უგზავნის, აქ მთავარი არის, რომ რეჟიმი სრულად არის იმ დაავადების მსხვერპლი, რასაც ჰქვია, ძალაუფლება რომ ჰრყვნის და აბსოლუტური ძალაუფლება აბსოლუტურად ჰრყვნის. ამ ადამიანებს უკვე იმისი განსჯის უნარიც კი არ აქვთ, რომ, საკუთარ სიტყვას და ქმედებას რაღაცა პატარა თვითშეფასება გაუკეთონ. რასთან გვაქვს საქმე, რითია ეს ხალხი დაკავებული, რით იყვნენ დაკავებულები? – ახლა რასაც ყოფილი პრემიერი გვეუბნება, რატომ ეწამა ის? და გვეუბნება, რომ ამის გამო, ჩვენ მისადმი სიმპათია უნდა გაგვიჩნდეს, რადგან სახელმწიფო ინტერესების გამო ეწამა. ერთი ცალი სახელმწიფოს ინტერესი დამისახელოს მან, ან მისმა გუშინდელმა თუ დღევანდელმა თანამოაზრეებმა, რომელიც მიიღწევა აი ასეთი ქმედებები”, – აცხადებს დავით უსუფაშვილი.
ღარიბაშვილი ამბობს, რომ მას ციხეში წერილი მამუკა მდინარაძემ გაუგზავნა.
მისი თქმით, მან კიდევ ერთხელ დააფიქსირა, რომ არ აპირებდა პოლიტიკაში დაბრუნებას, თუმცა, პასუხად მიიღო, რომ მაინც რჩებოდა 1%-იანი რისკი იმისა, რომ პოლიტიკაში დაბრუნდებოდა და ამისთვის აუცილებელი იყო მისთვის კორუფციული ბრალის წარდგენა. ირაკლი ღარიბაშვილის თქმით, სწორედ ეს იყო წითელი ხაზი, რამაც გადაადგმევინა ნაბიჯი, ბრძოლის დასაწყებად.
“აბსურდი” – ასე პასუხობენ ყოფილი პრემიერ მინისტრის ბრალდებებს მამუკა მდინარაძის პრესსამსახურში .