ფეხბურთის სუპერვარსკვლავი კრიშტიანუ რონალდუ ჯორჯინა როდრიგესზე დაქორწინდა.
რონალდუმ “ინსტაგრამის” გვერდზე გამოაქვეყნა ფოტო, სადაც მისი და ჯორჯინას ხელებია აღბეჭდილი ქორწინების ბეჭდებით.
პორტუგალიური მედიის ცნობით, წყვილმა 11 აგვისტოს იქორწინა ლისაბონის მახლობლად, ზღვისპირა ქალაქ კაშკაიშში. ცერემონიას მათი ხუთივე შვილი დაესწრო.
ამ დროისთვის მედიაში ქორწილის ცერემონიიდან მხოლოდ ერთი ფოტო არსებობს, რომელიც სოციალურ ქსელში ცნობილმა ბრიტანელმა ჟურნალისტმა, პირს მორგანმა გამოაქვეყნა.
“ვულოცავ ჩემს მეგობრებს, კრიშტიანუსა და ჯორჯინას, რომლებიც დღეს პორტუგალიაში დაქორწინდნენ! შესანიშნავი წყვილია. ვუსურვებ ხანგრძლივ და ბედნიერ ქორწინებას”, – წერს პირს მორგანი.
წყვილი უკვე 10 წელია ერთადაა – რაც მას შემდეგ, რაც მადრიდში, Gucci-ს მაღაზიაში შეხვდნენ ერთმანეთს, ჯორჯინა ამ მაღაზიაში გაყიდვების კონსულტანტად მუშაობდა. იმ დროს რონალდუ მადრიდის რეალში თამაშობდა.
ნიშნობის შესახებ საზოგადოებას გასული წლის 11 აგვისტოს აცნობეს.