ირაკლი კობახიძემ ნიკოლოზ რაჭველის განცხადება შინდისის მემორიალთან შეაფასა.
“არ შეიძლება, რუსოფობი არ იყო 2009-2010 წლებში და გახდე რუსოფობი 2022 წლის შემდეგ, ამას ხომ არავითარი ახსნა არ აქვს, ეს არის მარტივი ფაქტების კონსტატაცია, რომელზეც პასუხი არ არსებობს”, – თქვა მან შესაბამისი კითხვის საპასუხოდ.
მისივე მტკიცებით, ე.წ. პოლიტიკოსებსა და კულტურის სფეროს წარმომადგენლებს აწუხებთ ის, რომ მათი ორმაგი სტანდარტები აბსოლუტურად ცხადია.
„არ მინდა, რამე ვთქვა, კულტურის სფეროს წარმომადგენელია, მაგრამ ეს არის უსუსური მცდელობა, რაღაცნაირად გაამართლო შენი ორმაგი სტანდარტი. არ შეიძლება, რუსოფობი არ იყო 2009-2010 წლებში და გახდე რუსოფობი 2022 წლის შემდეგ. ამას ხომ არავითარი ახსნა არ აქვს, ეს არის მარტივი ფაქტების კონსტატაცია, რომელზეც პასუხი არ არსებობს და იმის გამო, რომ პასუხი არ აქვთ, გამოდიან უხეში, შეურაცმყოფელი განცხადებებით როგორც ე.წ. პოლიტიკოსები, ისე კულტურის სფეროს წარმომადგენლები. მათ აწუხებთ ის, რომ მათი ორმაგი სტანდარტები არის აბსოლუტურად ცხადი, რასც ვერ ახსნიან ვერანაირად, ვერ გაამართლებენ ვერანაირად, ამიტომ უწევთ უხეში განცხადებების კეთება, რაც ტრაგიკული მოვლენაა“, – განაცხადა ირაკლი კობახიძემ.
გულის ამრევია “ქართული ოცნება”, ბოლომდე! – ასე პასუხობს ნიკოლოზ რაჭველი “ოცნების” წარმომადგენლის, ირაკლი კირცხალიას განცხადებას, რომელმაც გუშინ სოციალურ ქსელში გამოქვეყნებულ პოსტში დაწერა, რომ “2008 წლის ომის შემდეგ ისეთი ცნობილი სახეები, როგორებიც არიან „სუხიშვილები“, ნიკოლოზ რაჭველი და პაატა ბურჭულაძე, რუსეთში საქმიანობაზე უარს არ ამბობდნენ, თუმცა 2022 წლის შემდეგ მკვეთრად ანტირუსული პოზიციით გამოირჩევიან”.
ეროვნული სიმფონიური ორკესტრის ხელმძღვანელი ამჟამად კიევში იმყოფება, სადაც დღეს რეპეტიცია აქვს ორკესტრთან ერთად. ნიკოლოზ რაჭველის თქმით, მისი ჩასვლიდან მელევე უკრაინაზე რუსეთის აგრესიულ შტურმი განხორციელდა და თავშესაფარში გადასვლა მოუწია.