“ჩემი შვილი რომ სიკვდილს ებრძოდა, ნიადაგს ამზადებდნენ, ამას არ ვაპატიებ. ერთ ვინმეს რომ ეთქვა ეს ქალი გიჟია, რაღაცებს აბრალებს ამ ჩვენს არასრულწლოვანებს, მკვლელებად გამოჰყავს, მაგრამ ჩვენ ვწუხვართო, სიტყვა ვწუხვართ რომ ვინმეს ეთქვა, მე ასეთი არ ვიქნებოდი იმ კონკრეტული ბავშვის მიმართ. რას მემართლება ეს ხალხი, ჩემი გაგიჟება უნდათ? მე ჩემი შვილის დასაცავად ვარ გაგიჟებული…
7 ბრალდებულია [გიგას საქმეზე], 7-დან ერთი რგოლი, ერთი რომელიმე რომ ყოფილიყო, გიგა დღეს ცოცხალი იქნებოდა. ბოროტი და მკვლელი რომ არ ყოფილიყო, ერთის კეთილი ნებაც რომ ყოფილიყო, გიგა დღეს იქნებოდა ცოცხალი. მე სამართლებრივ ჩარჩოს არ ვცდები, წაქეზებას როცა ვამბობ, თორემ ჩემთვის ისინი შვიდივე მკვლელია.
პირველ სექტემბერს დავიწყეთ სწავლა და პირველივე გაკვეთილზე არ მოვიდა ნია იმნაძე… საიდან გაჩნდა ტერმინი გაკვეთილის აღდგენა, რომ თითქოს გიგა მარტო უღდგენდა ნიას გაკვეთილს: 1 სექტემბერსვე რომ გააცდინა გაკვეთილი, ბავშვებს მეორე გაკვეთილი რომ ექნებოდათ, იმ დროს ნია იმნაძეს გავლილი რომ ჰქონოდა ძველი მასალა და ახლის ახსნისას ძველი უცხო არ ყოფილიყო, ამიტომ 1 სექტემბერსვე გიგა უჯდებოდა მარტო და აქედან არის წამოსული მარტო აღუდგინა გიგამო.
ახლა რატომ ვერ აღუდგენდა გიგა – ნია გაკვეთილზე მოსული იყო 12 და 19 სექტემბერს. 21–22 სექტემბერს გაკვეთილი კვლავ გააცდინა. მომდევნო გაკვეთილი უწევდა 26 სექტემბერს. 26-ში გაკვეთილზე აღარ მოვიდა და დაიგეგმა მკვლელობა. მთელი რვა გაკვეთილი იყო აღსადგენი და ვერ აღდგა. 1 სექტემბრიდან 15 სექტემბრამდე გიგას მე-11 კლასელები და სააბიტურიენტო ჯგუფები ჰყავდა. 15 სექტემბრიდან გიგამ დაიწყო გაკვეთილები ყველა მოსწავლესთან, 3-ზე რომ იწყებდა ამთავრებდა 10 საათზე ან 10-ის ნახევარზე. მოსწავლე სკამიდან რომ დგებოდა, იქ მეორე ჯდებოდა, 1-წუთიანი შესვენებაც არ ჰქონდა. თეორიულად 15 სექტემბრის შემდეგ გიგა გაკვეთილს ვეღარ აღადგენდა.
გიგას ამ პერიოდში დრო აღარ ჰქონდა… დავუშვათ, დედამ იფიქრა, რომ თითქოს მასწავლებელი ძალადობს და დედამ დაურეკა დედას, 26 სექტემბერი არის ზღვარი, 26-ში დაიგეგმა მკვლელობა, თუ კი დედას ნია იმნაძემ მანამდე უთხრა [რომ თითქოს გიგას მასთან არასასურველი კომუნიკაცია ჰქონდა], დედა მე მაინც არ მეტყოდა ამას ? 3 წუთზე მეტი ველაპარაკე მას…” – განაცხადა მოკლული გიგა ავალიანის დედამ, ეკა კუპატაძემ ფორმულას ეთერში.