პორტუგალიის კუნძულ მადეირაზე, კრიშტიანუ რონალდუს მშობლიურ ქალაქ ფუნშალში, შაბათს ასობით გულშემატკივარი შეიკრიბა. მათი მიზანი ერთი იყო — ენახათ, როგორ დაქორწინდებოდა ფეხბურთის ვარსკვლავი ჯორჯინა როდრიგესზე.
მიუხედავად იმისა, რომ რონალდუს ოჯახმა საჯაროდ უარყო ინფორმაცია, თითქოს წყვილი ქორწილს სწორედ იმ დღეს გეგმავდა, გავრცელებულმა ჭორებმა გულშემატკივრები ფუნშალის ცენტრში მაინც მიიყვანა.
განსაკუთრებით დიდი ყურადღება ქალაქის საკათედრო ტაძარმა მიიპყრო, სადაც, გავრცელებული ინფორმაციით, რონალდუსა და ჯორჯინას ქორწილი უნდა გამართულიყო.
ტაძრის მიმდებარე ქუჩებში შეკრებილი ადამიანები ტელეფონებითა და კამერებით ელოდნენ პატარძლის გამოჩენას. თუმცა, როდესაც თეთრ კაბაში გამოწყობილი ქალი ტაძრისკენ დაიძრა, მალევე გაირკვა, რომ ის ჯორჯინა როდრიგესი არ იყო.
ტაძრის ოფიციალურ გვერდზე გამოქვეყნებულ განცხადებაში წყვილს, ნიკოლსა და ფაბიოს, ქორწინება მიულოცეს და აღნიშნეს, რომ ჟურნალისტებისა და ტურისტების დიდი რაოდენობის გამო პატარძალს ტაძარში შესვლა გაუჭირდა.
მომხდარს თავად კრიშტიანუ რონალდუც გამოეხმაურა. ფეხბურთელმა ერთ-ერთ სოციალურ ქსელში გამოქვეყნებულ პოსტს სიცილის ემოჯებით უპასუხა. განაგრძეთ კითხვა…