ცოტნე მირცხულავა, რომელსაც პროკურატურამ 2024 წლის 11 აგვისტოს სამტრედიაში მიმდინარე წინასაარჩევნო კამპანიის ღონისძიების დროს განხორციელებული ძალადობის ფაქტზე ბრალი წაურდგინა, ამბობს, რომ პროცესი სამშაბათს ჩაინიშნა, თუმცა ზუსტი დროს არ იცის.
მისივე ინფორმაციით, პროკურატურა საპატიმრო გირაოს მოითხოვს, თუმცა, დაზუსტებული არ არის.
მირცხულავას თქმით, მელიაზე თავდამსხმელმა, სულხან-საბა ნიკოლეიშვილმა პირვანდელი ჩვენებ შეცვალა და ამბობს, რომ ნიკა მელიას არა პოლიტიკური, არამედ პირადი მოტივით დაესხა თავს და მასთან პრეტენზია არ აქვს.
საათი ჯერ არ შეუტყობინებიათ, თუმცა, ჩასული ვიყავი, გამაფრთხილეს, სამშაბათ დღეს ჩაინიშნება პროცესიო, პროკურატურა, მე როგორც გავიგე, შემოდის საპატიმრო გირაოთი, თუმცაღა გადაწყვეტილი არ არის და დაზუსტებით არ ვიცი. მოლოდინი ჩვეულებრივი მაქვს, რა მოლოდინიც შეგვიქმნა “ქართულმა ოცნებამ“ მართლმსაჯულებასთან მიმართებით. სამართლის ძიებაში დაკარგულები ვართ, სამართალს ვერ ვპულობთ, სუბიექტურ გადაწყვეტილებებზეა ყველაფერი დამოკიდებული. მთავარი ამბავი რაც არის, არ უნდა გვაჩერდეთ და ამ ამბის შეგუებაში არუნდა გადავიდეთ, თორე იქიდან ვეღარ გამოვალთ, სადაც შესულან სხვა რეჟიმები. 162-ე მუხლის პრიმა წამიყენეს, რაც ნიშნავს, რომ მე, ჩემივე კამპანიას რაშიც აქტიურად ვიყავი ჩართული, ხელს ვუშლიდი, 2 წელია ამ ამბიდან გასული და 2 დამამძიმებელი გარემოება იყო სულხან საბა ნიკოლეიშვილის მიმართ. ერთი იყო საარჩევნო კამპანიაში ხელშეშლა და მეორე თავდასხმა. 2 წლის განმავლობაში არცერთი გამოუძიებიათ და 2 წლის შემდეგ ეს მუხლი აღგვიძრეს ჩვენ. შერჩევითი სამართალია ამ ქვეყანაში. ამბობდა, რომ ტკივილი განიცადა და პოლიტიკური ნიშნით დაესხა ნიკა მელიას თავს, თუმცა, ბოლო ჩვენებაში შეცვლილი აქვს და ამბობს, რომ არც პრეტენზია აქვს და მელიაზეც პირადი მოტივით იყო თავდასხმა. ჩვენი გადაწყვეტილება მთლიანად ჯგუფურ ამბავზე გაიყვანეს და მოკლეს სუბიექტური გადაწყვეტილებების მიღების შესაძლებლობა. ალბათ ჩვენ, მეგობრები, ის ხალხი ვინც ამ ამბავში ვართ, მივიღებთ პრაგმატულ და გონივრულ გადაწყვეტილებას, – ამბობს მირცხულავა.
გამოძიება 2 წლის შემდეგ – საქართველოს პროკურატურამ 2024 წლის 11 აგვისტოს სამტრედიაში მიმდინარე წინასაარჩევნო კამპანიის ღონისძიების დროს განხორციელებული ძალადობის ფაქტზე სამ პირს ბრალდება წარუდგინა.
საქმე ეხება ნიკა მელიაზე თავდასხმას.
უწყების ცნობით, სამივე მათანს ბრალდება საქართველოს სისხლის სამართლის კოდექსის 162-ე პრიმა მუხლის 1-ლი ნაწილით წარუდგინეს, რაც სასჯელის სახედ და ზომად ჯარიმას ანდა 2 წლამდე თავისუფლების აღკვეთას ითვალისწინებს.