“სხვის ბებია-ბაბუებს, მაზლებსა და ბავშვებს პოულობ და შენს მეგობარს რატომ ვერ უპოვე ბავშვი ამერიკაში (თუ ჰყავს)”, – სოციალურ ქსელში ამ შინაარსის კითხვები ბოლო დროს, გიორგი ნაზღაიძესთან მიმართებით ტრიალებს და ძირითადად, თამუნა მუსერიძეს მიმართავენ, რომელიც გაშვილებულ შვილებს და ბიოლოგიურ ოჯახებს ერთმანეთს აკავშირებს.
თამუნა მუსერიძემ სოციალურ ქსელში პოსტი განათავსა და საზოგადოების შემდეგ კითხვას გამოეხმაურა -“სხვის ბებია-ბაბუებს, მაზლებსა და ბავშვებს პოულობ და შენს მეგობარს რატომ ვერ უპოვე ბავშვი ამერიკაში (თუ ჰყავს)”
“აი ესეთ დებილ სტატუსებში რომ მთაგავთ, იქნებ ჯერ ცოტა ტვინი გაანძრიოთ?? ჩვენ ვეძებთ და ვპოულობთ გაშვილებულ ბავშვებს და გამშვილებელ დედებს. სადმე გაჟღერდა რომ გიორგი ნაზღაიძის ბავშვი გაშვილებულია???
გიორგის ბავშვი ნაპოვნია, არც გაშვილებული და არც გაყიდული. თუ არასრულწლოვან ბავშვს დედა არ აძლევს მამის ნახვის უფლებას, მე რა გავაკეთო?” – წერს თამუნა მუსერიძე.