დრონების მოსალოდნელ საფრთხეზე ოკუპირებული აფხაზეთის მოსახლეობა დე ფაქტო თავდაცვის სამინისტრომ გააფრთხილა

დრონების მოსალოდნელ საფრთხეზე ოკუპირებული აფხაზეთის მოსახლეობა დე ფაქტო თავდაცვის სამინისტრომ გააფრთხილა.
უწყების ცნობით, საჰაერო სივრცეს „საჰაერო თავდაცვის ძალები და შეიარაღებული ძალების მორიგე დანაყოფები“ აკონტროლებენ.
ე.წ. სამინისტრო მოსახლეობას უსაფრთხოების ზომების დაცვისკენ მოუწოდებს და სთხოვს, დრონის ან მისი ნაწილების აღმოჩენისას დაუყოვნებლივ დაუკავშირდნენ შესაბამის სამსახურებს.
ბოლო თვეების განმავლობაში აფხაზეთში დრონების შეღწევის ან ჩამოვარდნის შესახებ ცნობები არაერთხელ გავრცელდა. არსებული ინფორმაციით, უკრაინული უპილოტო საფრენი აპარატები უტევენ ობიექტებს რუსეთის კრასნოდარის მხარეში, რომელიც ოკუპირებულ აფხაზეთს ესაზღვრება.