პოლონელი მოცურავე ბართლომეი კუბკოვსკი ისტორიაში პირველი ადამიანი გახდა, ვინც ბალტიის ზღვა გადაცურა. სპორტსმენმა 160 კმ-ზე მეტი მანძილი დაფარა და წყალში დაახლოებით 55 საათი გაატარა.
ცურვა შვედეთის ქალაქ კასებერგაში დაიწყო და პოლონეთის ქალაქ ძივნუვის პლაჟზე დასრულდა. მთელი მარშრუტის განმავლობაში კუბკოვსკის არ უძინია. მას თან ახლდა გემი საჭმლისა და წყლის მარაგით. ამასთან, ასეთი ცურვის წესების თანახმად, სპორტსმენს უფლება არ ჰქონდა ნავს შეხებოდა.
კუბკოვსკისთვის ეს ბალტიის ზღვის გადაცურვის მეხუთე მცდელობა იყო. მან რეკორდის დამყარება პირველად 2022 წელს სცადა და გავლილ დისტანციას ეტაპობრივად ზრდიდა. 2025 წელს სპორტსმენი ამინდის გაუარესებისა და ძლიერი გამოფიტვის გამო იძულებული გახდა ფინიშამდე სულ რაღაც 11 კილომეტრში შეეწყვიტა ცურვა.
კუბკოვსკის ეს გაცურვა ასევე საქველმოქმედო აქციაც იყო. სპორტსმენმა 715 ათას ზლოტზე მეტი შეაგროვა ფონდისთვის Cancer Fighters, რომელიც ონკოლოგიური დაავადებების მქონე ბავშვებს მკურნალობაში ეხმარება.