კრასნოიარსკში პუტინის ვიზიტის წინ საწვავის ფასი ხელოვნურად შეამცირეს, მისი წასვლისთანავე კი ძველი, მაღალი ფასები დააბრუნეს.
ადგილობრივი წყაროების ცნობით, პუტინის ჩასვლის წინა საღამოს, 2 აგვისტოს, სახელმწიფო კონტროლის ქვეშ მყოფი ნავთობკომპანია და ბენზინგასამართი სადგურების ქსელმა „კრასნოიარსკნეფტეპროდუქტმა“ საწვავის ფასები ლიტრზე 24 რუბლით შეამცირა და AI-95 მარკის ბენზინის ფასი 91-დან 67 რუბლამდე დაწია, ასევე, მოხსნა მანამდე მოქმედი შეზღუდვები ტალონებზე. 4 აგვისტოს კი, რაც პუტინმა რეგიონი დატოვა, ბენზინგასამართ სადგურებზე ფასები ისევ ძველ ნიშნულზე დააბრუნეს და ისევ 24 რუბლით გაზარდეს.