საქსტატის ინფორმაციით, 2026 წლის ივლისში, წინა წლის შესაბამის პერიოდთან შედარებით, საქართველოში წლიურმა ინფლაციამ 5.5% შეადგინა, ხოლო წინა თვესთან შედარებით ფასების დონე 0.4%-ით შემცირდა.
რაც შეეხება საბაზო ინფლაციას, აღნიშნულმა მაჩვენებელმა ივლისში 3.8% შეადგინა, ხოლო თამბაქოს გარეშე წლიურმა საბაზო ინფლაციამ – 3.5%.
საქსტატის მონაცემების მიხედვით, ივლისში, წინა წლის იგივე პერიოდთან შედარებით ყველაზე მეტად გაიაფებულ პროდუქტებს შორის, ნიორი მანდარინი და ფორთოხალი ლიდერობს.
უფრო კონკრეტულად, „საქსტატის“ სტატისტიკურ მონაცემებზე დაყრდნობით, „ბიზნესპრესნიუსი“ გთავაზობთ იმ პროდუქტების ათეულს, რომელიც ივლისში წლიურად ყველაზე მეტად გაიაფდა:
ნიორი – 31.6%;
მანდარინი – 31%;
ფორთოხალი – 21%;
ლიმონი – 21%;
კარტოფილი – 18.6%;
კივი – 18%;
ტელევიზორი – 17%;
მაცივარი – 17%;
სარეცხის მანქანა – 15.5%;
შაქარი – 13%.