ქალი აქტივისტები, რომლებსაც გუშინ მანდატურებმა თბილისის საქალაქო სასამართლოს ტერიტორია ძალის გამოყენებით დაატოვებინეს, ამბობენ, რომ დაზიანებები აღენიოშნებათ – ინფორმაციას “tv პირველი ავრცელებს”.
დაზარალებულები ამბობენ, რომ აქტივისტ რუსკა მჭედლიძეზე და ადვოკატ მარიკა არევაძეზე მანდატურის სამსახურის თანამშრომლებმა იძალადეს.
მჭედლიძე აცხადებს, რომ მასზე სასამართლოს ეზოში მანდატურების ხელმძღვანელმა იძალადა.
ამ ძალადობის ამსახველი კადრები არსებობს, მარცხენა მხარეს მანდატურის სამსახურის უფროსი, დავით მატიაშვილი მედგა, მაქსიმალური ძალით მიჭერდა ხელზე. ვეხვეწებოდი – მტკივა, გულის წასვლამდე მტკიოდა ხელი, მაგრამ უფრო მაგრა მიჭერდა.
ამ აწითლებულ და ჩალურჯებულ ხელზე რეაგირება ვინ უნდა მოახდინოს? ეს ხელი უფრო წითელია თუ ირაკლი დგებუაძის ლოყა იყო, მაშინ როცა მზია ამაღლობელმა თავდაცვის მიზნით, აფექტის მდგომარეობაში გააწნა სილა?!”- თქვა რუსკა მჭედლიძემ.
მარიკა არევაძე ამბობს, რომ მან პოლიცია გამოიძახა, თუმცა მისი თქმით, სამართალდამცველებს რეაგირება არ მოუხდენიათ.
გუშინ მთელი დღისა და ღამის გაბნამვლობაში თბილისის საქალაქო სასამართლოს მანდატურის სამსახურის თანამშრომლები ძალადობდნენ მოქალაქეებზე. მათ შორის ერთი ეპიზოდი იყო ჩემზე ძალადობის. მანდატუირის სამსახურის წარმომადგენელი ფიზიკურად შემეხო. ამას აუცილებლად მოჰყვება შესაბამისი რეაგირება. ადგილზე არაერთხელ იქნა გამოძახებული საპატრულო პოლიცია, მაგრა არცერთი ეკიპაჟი არ მოვიდა და გამოძახებაზე რეაგირება არ ჰქონდათ”- თქვა არევაძემ.
მოსამართლე ზვიად ცეკვავამ ღამის 02:00 საათზე გამოაცხადა გადაწყვეტილება 26 ივლისს თბილისის საკრებულოს წინ დაკავებული სამი დემონსტრანტის: ლაშა დგებუაძის, სანდრო სეხნიაშვილისა და მარინე ნანავას საქმეებზე. მათ პოლიცია შეურაცხმყოფელი პლაკატებით პროტესტის გამართვას ედავებოდა.
ლაშა დგებუაძეს 10-დღიანი ადმინისტრაციული პატიმრობა შეეფარდა;
სანდრო სეხნიაშვილისა და მარინე ნანავასთვის კი 5000-5000-ლარიანი ჯარიმა.