“ახლა რომ არის შეტევა ივანიშვილზე, თქვენ გგონიათ სააკაშვილს ნაკლები ფული აქვს იქ ოფშორულ ზონებში? – ქეთი დოლიძე

რეჟისორმა ქეთი დოლიძემ გადაცემაში „იმედი LIVE“ განაცხადა, რომ დღეს არ არის საქართველოში მასობრივი გამოსვლებისა და აქციების მუხტი. მისი თქმით ბიძინა ივანიშვილზე ნაკლები ფული არც მიხეილ სააკაშვილს აქვს.

„ახლა, რომ არის შეტევა ბიძინა ივანიშვილზე, რომელიმე ჩვენმა „მეგობარმა“ გაუკეთა იმის მეათასედი საქართველოს, რაც ბიძინა ივანიშვილმა? მაინტერესებს ეს რა შეტევაა.

რა ოლიგარქი, რის ოლიგარქი. თქვენ გგონიათ სააკაშვილს ნაკლები ფული აქვს იქ ოფშორულ ზონებში? არ აქვს ნაკლები ფული და ეს ძალიან მალე გამოაშკარავდება. მე არასდროს და ვერასდროს შევურიგდები „ნაციონალურ მოძრაობას“. ეს ჩემი, ერთი ადამიანის პირადი გადაწყვეტილებაა. ვის უნდა შევურიგდე მე, ხერხეულიძეს თუ ვის? დღეს არ არის საქართველოში მასობრივი გამოსვლებისა და აქციების მუხტი. არ არის მორჩა. რუსთაველის თეატრიდან თავისუფლებამდე მონაკვეთს ძლივს ავსებენ. იარონ ახლა და შეიკრიბონ. რა შეკრება, რა მუხტი. მაგ „ნაციონალურმა მოძრაობამ“ არ გაგვაბრაზოს, თორემ ერთი დაძახება და მთელი საქართველო გამოვა „ქართული ოცნების“ კი არა, საქართველოს დასაცავად. „ნაციონალური მოვლენა“ უნდა აკრძალულიყო, როგორც მოვლენა. ეს იყო დიდი დანაშაული სწორედ რომ ევროპის სტრუქტურებიდან, ამერიკიდან. ასეთ პარტიას, ასეთ დანაშაულების ჩამდენს, რაც სტრასბურგმა აღიარა, არცერთ ქვეყანაში არ მოითმენდა არცერთი ხელისუფლება.“ – განაცხადა დოლიძემ