დონის როსტოვში საჰაერო თავდასხმის შედეგად ორი ადამიანი დაიღუპა, – რუსული მედიის ინფორმაციით, ამის შესახებ გუბერნატორმა იური სლიუსარმა განაცხადა.
მისივე თქმით, თავდასხმის შედეგად ხუთი ადამიანი დაშავდა, რომელთაგან ორი მძიმე მდგომარეობაშია. გუბერნატორის ინფორმაციით, დრონის ჩამოვარდნის შედეგად კერძო საწარმოში, საწყობებსა და რამდენიმე კერძო სახლში ხანძარი გაჩნდა.
ამასთან, რუსული მხარე იუწყება, რომ უკრაინის შეიარაღებული ძალების მიერ ბელგოროდზე განხორციელებული თავდასხმის შედეგად თორმეტი ადამიანი დაშავდა. გავრცელებული ინფორმაციით, დრონებით განხორციელებული იერიშის შედეგად კერძო სახლი დაინგრია და რამდენიმე მაღალსართულიანი შენობა დაზიანდა. ასევე ხანძარი ასევე გაჩნდა რამდენიმე ბინასა და 15-ზე მეტ გაჩერებულ ავტომობილში.