სარეკლამო მიზნებისთვის მომხმარებელთა მონაცემების უკანონო შეგროვების გამო TikTok სამხრეთ კორეაში 7 მილიონი დოლარით დააჯარიმეს – ამის შესახებ ინფორმაციას ადგილობრივი გამოცემა იონჰაპის ახალი ამბები ავრცელებს. პერსონალური ინფორმაციის დაცვის კომისიის ცნობით, ჯარიმა პერსონალურ მონაცემთა შესახებ კანონის დარღვევისთვის სინგაპურში ბაზირებულ კომპანიას – TikTok Pte. Ltd. – დაეკისრა, რომელიც სამხრეთ კორეაში სოციალური ქსელის გიგანტის სერვისებს მართავს.
საზედამხედველო ორგანოს განცხადებით, TikTok-მა მესამე მხარის ვებგვერდებსა და აპლიკაციებში გავრცელებული ინსტრუმენტების მეშვეობით სამხრეთ კორეაში 9,45 მილიონი მომხმარებლის ქცევითი მონაცემები შეაგროვა და ისინი პერსონალიზებული რეკლამებისთვის გამოიყენა. კომისიამ აღნიშნა, რომ კომპანიამ მომხმარებლებს ასეთი ქმედებების შესახებ არ შეატყობინა.
TikTok 7 მილიონი დოლარით დააჯარიმეს
