“ამ შემთხვევაში ეს ადამიანი ფორმალურადაც კი არ მოქმედებდა, როგორც ჟურნალისტი…” – რას ამბობს ირაკლი კობახიძე ვახო სანაიაზე

“ამ შემთხვევაში ეს ადამიანი ფორმალურადაც კი არ მოქმედებდა, როგორც ჟურნალისტი, ის მოქმედებდა როგორც პოლიტიკური აქტივისტი, ქართული აქტივისტი და უხეშ შეურაცხყოფას აყენებდა კონკრეტულ ადამიანებს. რაც შეეხება გამოხატვის თავისუფლებას, შეგიძლიათ წაიკითხოთ სახელმძღვანელოები სადაც წერია, რომ გამოხატვის თავისუფლების ძირითადი უფლებით არ არის დაცული და მოცული ადამიანი უხეში შეურაცხყოფა. საერთოდ არ იცავს გამოხატვის თავისუფლების ძირითადი უფლება უხეშ შეურაცხყოფას, შესაბამისად აქ ფორმალურადაც კი არასწორად მსჯელობენ კონკრეტული ადამიანები, მათ აქვთ პოლიტიკური დაკვეთა. პოლიტიკური დაკვეთა არის ის, რომ მათ გააღვივონ საქართველოში ხელოვნურად სიძულვილი, დაპირისპირება, უნდა შექმნან რაღაც ისეთი აგრესიული გარემო. რა თქმა უნდა, ჩვენ ამას უნდა დაუპირისპირდეთ, იმიტომ რომ ეს არის ჩვენთვის ეროვნული ამოცანა…
ძალიან მარტივად მივყვეთ ფაქტებს. არის ადამიანი, რომელმაც დაარღვია უხეშად კანონი, უხეში შეურაცხყოფა მიაყენა კონკრეტულ ადამიანებს, აქ ასეთი კომენტარები სრულიად უადგილოა და არავითარი ფასი არ აქვს. თან საინტერესოა, რომ ეს ადამიანები, ამ შემთხვევაში უცხოელებს არ ვგულისხმობ, რომლებიც ორიოდე დღის წინ ამართლებდნენ უხეშ აგრესიას კონკრეტული ქალბატონის წინააღმდეგ. პირდაპირ, მშრალად ამართლებდნენ აგრესიას და უფრო მეტიც, იწონებდნენ ამ აგრესიას, რომელიც ძალიან მძიმე ფიზიკური შეურაცხყოფით იყო გამოხატული. […]
ჩვენი ეროვნული ამოცანაა, რომ არავის მივცეთ გარედან, ხელოვნურად საქართველოში აგრესიის და სიძულვილის გაღვივების საშუალება. აქ ფორმალურ სტატუსებს მნიშვნელობა არ აქვს, ფორმალურად ადამიანს ერქმევა ჟურნალისტი თუ რაიმე სხვა, რა თქმა უნდა, არავის არ უნდა მივცეთ საშუალება აგრესიის და სიძულვილის გაღვივების, კანონის წინაშე ყველა არის თანასწორი და რა თქმა უნდა, ამ შემთხვევაშიც ასე თანასწორად იმოქმედა შსს-ს შესაბამისმა დეპარტამენტმა”, – ირაკლი კობახიძე.