პოლონეთში საქართველოს მოქალაქეები მანქანების გაქურდვის მცდელობისას დააკავეს – ინფორმაციას ამის შესახებ პოლონური მედია ავრცელებს.
ქართველები კატოვიცეში ერთ-ერთი სავაჭრო ცენტრის ავტოსადგომზე შენიშნეს – ისინი სპეციალური მოწყობილობებით მანქანების გასაღებების სიგნალების დაჭერას ცდილობდნენ, შედეგად ერთ-ერთი მანქანის კარების გაღება და გაქურდვა მოახერხეს, თუმცა მეორე მანქანის გაქურდვის მცდელობისას დააკავეს.
მათ ადგილობრივი სასამართლო ქურდობასა და სხვის საკუთრებაში უნებართვო შეღწევას ედავება, რაც 10 წლამდე პატიმრობით ისჯება.