პანიკა და აფეთქებები რუსეთში – ოკუპანტი ქვეყნის თავდაცვისა და ენერგეტიკის სექტორს ახალი, მძიმე დარტყმა მიადგა. ლიპეცკში, სარაკეტო და საჰაერო განგაშის ფონზე, უპილოტო აპარატები იმ ტერიტორიას დაესხნენ თავს, სადაც რუსული ფოლადის 20%-ის მომწოდებელი ნოვოლიპეცკის კომბინატი და ქალაქის მთავარი თბოელექტროსადგური მდებარეობს.
ადგილობრივების ცნობით, იერიშს აფეთქებები და ხანძარი მოჰყვა. ამავდროულად, მასშტაბური ხანძარია ლენინგრადის ოლქის ქალაქ ვსევოლოჟსკშიც, სადაც ცეცხლი პოლიმერული მასალების საწარმოსა და საწყობებს უკიდია.
ადგილობრივი მოსახლეობა სრულ გაურკვევლობაშია – რუსეთის მოქალაქეები დარდობენ რომ შესაძლოა ქალაქის ნაწილს ელექტროენერგია და წყლის მიწოდება შეუწყდება.
დილა მშვიდობის, მაგრამ რანაირი მშვიდობაა? დილის 05:40 საათია და მივდივარ აგარაკზე. არა იმიტომ რომ ვგეგმავდი არამედ იმიტომ რომ ჩემს ქალაქში სამარაში, როგორც მთელს ქვეყანაში ბომბავენ ქარხნებს. დილით ადრე ჩაირთო საჰაერო განგაში. ვიდრე ამ განგაშს ჩართავდნენ ნახევარი საათით ადრე, ჩემს ფანჯრებთან დრონები დავინახე. რა აზრი ჰქონდა შემდეგ საგარეო განგაშის გამოცხადებაა, რომ მოვალოება მოიხადოთ? ყოველ დილით რთავენ საჰაერო განგაშს. რა აზრი აქვს ხალხი არ რეაგირებს, ისე დაგვღალეთ არავინ მიდის თავშესაფარში. ხომ იცით გამოთქმა “მგელი მოდის მგელიო და მგელი რომ ნამდვილად მოვიდა არავის აღარ სჯეროდა”. – ამბობს რუსეთის მოქალაქე.