ჩხორია-ლიის საავტომობილო გზაზე მომხდარი მძიმე ავტოსაგზაო შემთხვევის შედეგად 35 წლის მალვინა გულუა დაიღუპა, რომელიც ოკუპირებულ აფხაზეთში ცხოვრობდა.
არსებული ინფორმაციით, ავტომობილში, სავარაუდოდ, ოჯახის წევრები იმყოფებოდნენ. ავარიის შედეგად კიდევ ოთხი ადამიანი დაშავდა.
შინაგან საქმეთა სამინისტრომ მომხდართან დაკავშირებით ერთი პირი 276-ე მუხლით დააკავა, რაც ტრანსპორტის მოძრაობის ან ექსპლუატაციის წესის დარღვევას გულისხმობს. რა გახდა ავარიის მიზეზი, გამოძიება დაადგენს.
როგორც ადგილობრივები ამბობენ, დაღუპული ორი მცირეწლოვანი შვილის დედა იყო.
არსებული ინფორმაციით, ცხედარს უახლოეს საათებში ოკუპირებულ აფხაზეთში, მის მშობლიურ სოფელში გადაასვენებენ.