საქართველოს მეხუთე პრეზიდენტის პირველი კომენტარი დონალდ ტრამპის სახელით გამოგზავნილ წერილზე.
სალომე ზურაბიშვილი, რომელსაც დიპლომატიურ სამსახურში მუშაობის მრავალწლიანი გამოცდილება აქვს, ამბობს, რომ “ქართული ოცნების” ლიდერები უვიცობას ავლენენ, როცა ამტკიცებენ, რომ მსგავსი გზავნილი ურთიერთობების ნორმალიზებას ნიშნავს.
ექს-პრეზიდენტის თქმით, ეს არის საპასუხო, პროტოკოლური წერილი, რომელიც აშშ-ის დამოუკიდებლობის 250 წლისთავის მილოცვის საპასუხოდ გამოუგხზავნეს “ქართულ ოცნებას”.
“უვიცები და გაუნათლებლები რომ არ იყვნენ, ეცოდინებოდათ, რომ ყოველ ასეთ მილოცვაზე, 4 ივლისს ვგულისხმობ, მოდის პასუხი, რომელიც დაწერილია სადღაც, რომრლიმე ქვე სამდივნოს მიერ და მერე ედება მას შტამპი. ეს არის და სხვა არაფერი, ეს არის ჩვეულებრივი სიტყვები, რაც საპასუხოდ მილოცვაზე ყოველთვის მოდისიმ ქვეყანაში, რომელიც აგზავნის მილოცვას. მე მაინტერესებს მათი [ოცნბების] მხრიდან, რატომ უხარიათ ესოდენ ორი სიტყვა, რომელიც მოსდით მათ მიერ “დიფ-სტეიტად” აღქმული ქვეყნიდან”- აცხადებს ზურაბიშვილი.
მთავრობის ადმინისტრაციის პრესსამსახურმა გუშინ გაავრცელა ირაკლი კობახიძის მიერ აშშ-ის დამოუკიდებლობის 250 წლისთავის მილოცვის საპასუხოდ აშშ-ის პრეზიდენტის დონალდ ტრამპის სახელით მიღებული წერილის ქართულენოვანი ვერსია.
აშშ-ს პრეზიდენტმა ირაკლი კობახიძეს მადლობა გადაუხადა აშშ-ს დამოუკიდებლობის დღის მილოცვისთვის. წერილში ნათქვამია, რომ “ვამაყობთ იმ პრინციპებით, რომლებიც ჩვენს ქვეყანას მთელი ისტორიის მანძილზე უძღვებოდა და ვაფასებთ იმ პარტნიორთა მეგობრობას, რომლებიც იზიარებენ ამ იდეალებისადმი პატივისცემას”.