უკრაინის შეიარაღებული ძალები რუსეთის ოლქებზე მორიგ დარტყმებს აანონსებს.
მთავარსარდალი, ალექსანდრ სირსკის განცხაებით, უკრაინის თავდაცვის ძალები აგრძელებენ მტრის არმიის ინფრასტრუქტურისა და ლოჯისტიკის სისტემატურ განადგურებას.
“დღეს მოსკოვისა და ტამბოვის ოლქები დარტყმის ქვეშ არიან… გაგრძელება იქნება. დიდება უკრაინას!” – წერს სოციალურ ქსელში უკრაინის შეიარაღებული ძალების მთავარსარდალი, ალექსანდრ სირსკი.
რუსული ქალაქების თავზე ნავთობის ღრუბელია, ხმელეთზე კი შენობები იწვის. უკრაინულმა დრონებმა ოკუპანტ ქვეყანას ისევ დრონებით შეუტია. იერიში ერთ დროულად სამ რუსულ რეგიონზე მიიტანეს. სამიზნეს მოსკოვისა და ტამბოვის ოლქებში მდებარე ორი უმნიშვნელოვანესი ლოგისტიკური ობიექტი წარმოადგენდა, რუსეთის არმია ამ ობიექტებს დრონებისა და სანავიგაციო მოწყობილობების წარმოებისთვის საჭირო, სანქცირებული კომპონენტების მისაწოდებლად იყენებდა. იწვის WILDBERRIES-ის ონლაინ სავაჭრო მაღაზიის რიგით მეორე უმსხვილესი საწყობიც. რუსული მხარის ინფორმაციით, საწყობზე თავდასხმას შვიდი ადამიანიდ სიცოცხლე ემსხვერპლა – არიან დაშავებულებიც.