რუსეთის ქალაქ ჩელიაბინსკში, „გაზპრომის“ ავტოგასამართ სადგურზე, საწვავის რიგში დაწყებული კონფლიქტი სროლაში გადაიზარდა. რუსული მედიის ინფორმაციით, ინციდენტი მას შემდეგ მოხდა, რაც ერთ-ერთმა მძღოლმა ბენზინის ჩასხმა რიგის გვერდის ავლით სცადა. თვითმხილველების თქმით, შენიშვნის საპასუხოდ, სავარაუდოდ, პნევმატური პისტოლეტიდან კაცმა რამდენჯერმე გაისროლა.
შედეგად, ერთ-ერთი მოქალაქე მუცლის არეში დაიჭრა, ის საავადმყოფოში გადაიყვანეს. ინციდენტი რუსეთის სხვადასხვა რეგიონში საწვავის დეფიციტისა და ავტოგასამართ სადგურებთან მრავალსაათიანი რიგების ფონზე მოხდა. ბოლო დღეებში მსგავსი კონფლიქტები რუსეთში არაერთხელ დაფიქსირდა.