ცოტა ხნის წინ სოციალურ ქსელში გავრცელდა ინფორმაცია, რომ ყოფილი პრეზიდენტის, მიხეილ სააკაშვილის დედა გიული ალასანია „ნაციონალური მოძრაობის“ წევრ გიორგი ჩალაძეზე დაქორწინდა.
მოგვიანებით ცნობილი გახდა, რომ გავრცელებული ინფორმაცია სიმართლეს არ შეესაბამებოდა – ამის შესახებ გიორგი ჩალაძემ ჟურნალისტს მაკა რაზმაძეს განუცხადა.
„რა კომენტარი უნდა გავაკეთო იმ აბსურდულ და სამარცხვინო განცხადებასთან დაკავშირებით, რომ თითქოს მე და ქალბატონი გიული ალასანია დავქორწინდით. ეს არის კაგებე-ს მეთოდები, როდესაც ადამიანებს და მათ ღირსებას აყენებენ დარტყმას დისკრიმინაციის გზით. ეს კამპანია არც ჩემი და არც გიული ალასანიას წინააღმდეგ არ არის აგორებული, ეს არის მიხეილ სააკაშვილის დისკრიმინაციის მცდელობა, თუმცა, ისიც გაუგებარია, რატომ არ აქვს ადამიანს უფლება, ჰქონდეს პირადი ცხოვრება. მოკლედ, ეს ყველაფერი არის ტყუილი და კონკრეტული მიზნის, მიხეილ სააკაშვილისთვის დარტყმის მიყენების სამარცხვინო მცდელობა.“ – განაცხადა ჩალაძემ