საქართველოში კორონავირუსით ბავშვის ინფიცირების პირველი შემთხვევა დაფიქსირდა. ამის შესახებ ინფორაცია საქართველოს პირველ არხს ინფექციური საავადმყოფოს დირექტორმა, თენგიზ ცერცვაძემ დაუდასტურა.
ბავშვი ინფექციურ საავადმყოფოში იმ ჯგუფის წევრებთან ერთად შეიყვანეს, რომლებიც თვითიზოლაციაში იმყოფებოდნენ და, რომლებსაც ვირუსი დღეს დაუდასტურდათ.
კორონავირუსით ინფიცირებული ბავშვი 12 წლისაა.
საქართველოში კორონავირუსის რვა ახალი შემთხვევა დღეს დადასტურდა, მათგან ხუთი ადამიანი თვითიზოლაციაში იმყოფებოდა. მათ პირველ ჯერზე ჩატარებული კვლევის შედეგად, კორონავირუსული ინფექცია არ დაუდასტურდათ, განმეორებითი ტესტმა კი, დადებითი პასუხი აჩვენა.
ბოლო მონაცემებით, საქართველოში კორონავირუსით ინფიცირების 23 შემთხვევაა დაფიქსირებული.
164 ნახვა
