ნატო-ს განცხადებები, რომ ისინი რუსეთთან ომში არ არიან, ტყუილია, – ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.
როგორც ლავროვმა აღნიშნა, ევროპელი და ამერიკელი სამხედრო პერსონალის პირდაპირი მონაწილეობით, კიევს მიეწოდება იარაღი, დაზვერვა და თანამგზავრული დახმარება, ასევე მონაცემები, რომლებიც აუცილებელია რუსეთის მოქალაქეებისა და სამოქალაქო ობიექტების წინააღმდეგ სასიკვდილო იარაღის დამიზნებისა და პროგრამირებისთვის.
ლავროვის თქმით, ნატო-ს სწრაფვა მილიტარიზაციისკენ ერთ დღეს ამ რბოლაში დამარცხებით დასრულდება.
„როგორ დასრულდება ეს? ეს აუცილებლად დასრულდება ოდესმე. მათ თუ სურთ უკიდურესად მილიტარიზაცია, ეს ყველაფერი დამარცხებით დასრულდება უპირატესობისთვის ბრძოლაში“, – განუცხადა ლავროვმა ჟურნალისტებს.
რუსეთი საგარეო საქმეთა მინისტრმა აღნიშნა, რომ ევროპას აღარ შეუძლია, დამალოს ევროპული ეკონომიკის, მათ შორის გერმანიის ეკონომიკის მძიმე მდგომარეობა.
„როდესაც სოციალური სფერო სერიოზულად ზარალდება, შეღავათები მცირდება, როდესაც სამოქალაქო ეკონომიკა ევროპიდან შეერთებულ შტატებში გარბის, მათ შორის იქ, სადაც პირობები ბიზნესისთვის გაცილებით ხელსაყრელია“, – აღნიშნა რუსეთის საგარეო საქმეთა მინისტრმა.