გუშინდელი ძლიერი წვიმის შედეგად თუშეთის საავტომობილო გზა მნიშვნელოვნად დაზიანდა – ინფორმაციას გამოცემა “კახეთის ხმა” ავრცელებს და წერს, რომ “თუშეთისკენ გზა ადგილ-ადგილ ჩამოშლილია და ხრამები გადიდებული, რაც მძღოლებს საფრთხეს უქმნის”.
მათივე ცნობით, ადგილობრივები მუნიციპალიტეტის წარმომადგენლებს მოუწოდებენ, დროულად ჩართონ მძიმე ტექნიკა, რათა მგზავრთა მიმოსვლა არ შეფერხდეს.