უკრაინის პრეზიდენტი, ვოლოდიმირ ზელენსკი ვლადიმერ პუტინის მიერ გავცრელებულ ინფრომაციას, რომ თითქოს რუსულმა ჯარებმა კონსტანტინოვკა აიღეს, ტყუილს უწოდებს.
ამასთან, როგროც ზელენსკი სოციალურ ქსელში წერს, გერმანიის კანცლერ ფრიდრიხ მერცს ესაუბრა და კანცლერთან ფრონტის ხაზზე არსებული ვითარება განიხილა.
„ამერიკის დამოუკიდებლობის დღის წინა დღეს პუტინმა გადაწყვიტა, რომ მსოფლიოსა და აშშ-ის პრეზიდენტისთვის ფრონტის ხაზზე არსებული ვითარების შესახებ ტყუილი ეთქვა. ის ამტკიცებს, რომ რუსულმა ჯარებმა დონბასში კონსტანტინოვკა აიღეს. რა თქმა უნდა, ეს სიმართლეს არ შეესაბამება. ეს მორიგი რუსული ტყუილია და ახალი ამბების ხელოვნურად შექმნის მცდელობა. კონსტანტინოვკა რუსეთის კონტროლის ქვეშ რომ იყოს, მაშინ პუტინს არანაირი პრობლემა არ უნდა ჰქონდეს, რომ შემხვდეს, ამ ომის დიპლომატიური გზის პოვნის მიზნით. მაგრამ, ფაქტია, რომ ის ფრონტის ხაზს არ გადმოკვეთს – რეალობა პუტინის სიტყვებისგან სრულიად განსხვავებულია.
ახლა მთავარი პრიორიტეტი Patriot-ის სისტემებისთვის რაკეტებია, რათა ჩვენი ხალხი რუსული ბალისტიკური თავდასხმებისგან დავიცვათ. ჩვენი საუბრის მთავარი თემა ეს იყო“, – წერს ზელენსკი X-ზე.
პუტინი დღეს ირწმუნებოდა, რომ რუსეთის შეიარაღებულმა ძალებმა დონეცკის ოლქში კონსტანტინოვკა „აიღო“.
კონსტანტინოვკას გათავისუფლებას უდიდესი სტრატეგიული მნიშვნელობა აქვს. ეს ქალაქი, როგორც ყველამ ვიცით, დონბასის მთავარი სატრანსპორტო და სამრეწველო ცენტრია”, – განაცხადა პუტინმა.