მოკლული მასწავლებლის დედა, ეკა კუპატაძე ამბობს, რომ დაკავებულ არასრულწლოვანს, გიორგი მალანიას მამა, შსს-ს ყოფილი მაღალჩინოსანი მფარველობდა და ამიტომაც საქმეში თავდაპირველად საერთოდ არ ფიგურირებდა.
კუპატაძის თქმით, სწორედ მან მიაკვლია მალანიას კვალს მისი შვილის მკვლელობისი საქმეში.
ავალიანის დედა ამბობს, რომ 41 ზარია განხორიცელებული გიგორი მალანისა და მკვლელობაში მსჯავრდებულ ალექსანდრე გაბაშვილს შორის.
გიორგი მალანია არის ის პიროვნება, ვინც ალექსანდრე გაბაშვილის და გიორგი რიკაძის ხელით მოკლა გიგა ავალიანი – ამბობს ეკა კუპატაძე.
ალექსანდრე გაბაშვილმა გიორგი მალანია გაიცნო მას შემდეგ, რაც ნია იმნაძემ და გაბაშვილმა გიგას მკვლელობა დაგეგმეს და გაიცნო სწორედ ამ მიზნით. ეს იკვეთება სხვადასხვა მიმოწერებში, თუნდაც ჩიქოვანისა და გაბაშვილის მიმოწერებში ეს შინაარსობრივად ასე დევს. გიორგი მალანაისგან გაიგო, სად ცხოვრობდა გიგა, ის რომ დედა მუშაობდა გიგასთან ერთად, რა მარშუტით უნდა ევლო გიგას.
გიორგი მალანია არის ის პიროვნება, ვინც ალექსანდრე გაბაშვილის და გიორგი რიკაძის ხელით მოკლა გიგა ავალიანი. ის გიგას გაკვეთილზე ეჯდა, იცოდა, რომ გიგას ეთვლებიოდა წუთები და ის ამითი ბედნიერი იყო. დედა-შვილს გვიყურებდა და იცოდა, რომ დათვლილი გვქონდა წუთები. თუკი არ მფარველობდა გიორგი მალანიას მამიკო, მერაბ მალანია, რატომ არ ჩანდა ის საქმეში არსად. ის ეკა კუპატაძემ იპოვა. ვის სჯერ ახლა, რომ პოლიციის განყოფილებაში ისეთი გამომძიებლები ზიან, რომლებიც 41 ზარს ვერ მაჩნევენ. არსად არ ჩანდა, ჩემგან გაიგონა პროკურატურამ გუიორგი მალანიას და მერაბ მალანიას სახელი და გვარი”, – აცხადებს ეკა კუპატაძე.
შეგახსენებთ, რომ გიორგი მალანიას ბრალი დაუმძიმეს – შსს-ს ყოფილი მაღალჩინოსნის შვილს გამოძიება არა დანაშაულის შეუტყობინებლობას, არამედ ჯგუფურად ჯანმრთელობის განზრახ მძიმე დაზიანებაში დახმარებას ედავება.
მალანიას ბრალის ოფიციალური დადგენილება ზაჰესის წინასწარი მოთავსების იზოლატორში გააცნეს. ბრალის წარდგენას ადვოკატთან ერთად მალანიას მამა, მერაბ მალანიაც ესწრებოდა.
პროკურატურა ამბობს, რომ ალექსანდრე გაბაშვილმა, გიორგი რიკაძემ და დემეტრე ჩიქოვანმა სწორედ გიორგი მალანიას დახმარებით (რომელიც გიგა ავალიანის მოსწავლე იყო) გაარკვიეს მისი სამუშაო და საცხოვრებელი ადგილის მისამართები, შეისწავლეს მისი სამუშაო გრაფიკი, რა გზით გადაადგილდებოდა სამსახურიდან სახლში. შეარჩიეს განზრახვის შესრულების ადგილი და დაიწყეს თვალთვალი.