თბილისში აღმოჩენილი ნარკოლაბორატორიის შესახებ ახალი დეტალები ხდება ცნობილი – “ტვ პირველის” ინფორმაციით, ნარკოდანაშულის ბრალდებით დაკავებულმა ერთმა პირმა დანარჩენი სამის წინააღმდეგ მისცა ჩვენება.
სწორედ მისგან გაიგო გამოძიებამ, როგორ ამზადებენენ დაქირავებულ ბინაში სიცოცხლისთვის საშიშ ნივთიერებებს და შემდეგ შავ ბაზარზე ყიდდნენ.
ადვოკატის ინფორმაციით, აღნიშნული ბრალდებული თავს დამნაშავედ ცნობს და თანამშრომლობს გამოძიებასთან.
უფლებადამცველმა “ტვ პირველს” დაუდასტურა ისიც, რომ საქმეში სწორედ მისი დაცვის ქვეშ მყოფის აღიარებითი ჩვენება დევს.
“ჩემი დაცვის ქვეშ მყოფს ნარკოტიკული საშუალებების უკანონო შეძენა-შენახვას და რეალიზაციის ხელშეწყობას, რაც 16-დან 20 წლამდე ან უვადო თავისუფლების აღკვეთას ითვალისწინებს. დაკავებულია საცხოვრებელ სახლში, ამოღებულია ნარკოტიკული საშუალებები. ბრალად შერაცხულ დანაშაულში ის დამნაშავედ ცნობს თავს. მტკიცებულებები არის შესაბამისი – ამოღებული ნარკოტიკული საშუალებები.
მისი ჩვენებაა – თანამშრომლობის შედეგად არის მოპოვებული მტკიცებულებები და თანამშრომლობს გამოძიებასთან. პატიმრობა შეეფარდათ”, – ამბობს ადვოკატი.
ნარკოდანაშაულის დანაშაულის ბრალდებით დაკავებულები სასამართლომ წინასწარპატიმრობაში გაუშვა.
შეგახსენებთ, რომ დღეს შსს-ს ბრიფინგიდან ცნობილი გახდა, რომ თბილისში კუსტარული ნარკოლაბორატორია აღმოაჩინეს- დაკავებულია 4 პირი.
უწყების ცნობით, ნივთმტკიცებად ამოღებულია სარეალიზაციოდ გამზადებული განსაკუთრებით დიდი ოდენობით ნარკოტიკული საშუალებები, მათ შორის: 41 ლიტრი “ალფა პვპ”-ს შემცველი სითხე, 5 კილოგრამამდე “მეფედრონი”, ასევე, 5 ლიტრი “მეფედრონი”-ს შემცველი სითხე და 2 კილოგრამამდე “ალფა პვპ”.
დანაშაული 20 წლამდე ან უვადო თავისუფლების აღკვეთას ითვალისწინებს.