თვითმხილველი თბილისში, ცოტნე დადიანის ქუჩაზე მომხდარის დეტალებს “კვირის პალიტრასთან” იხსენებს.
კვირის პალიტრა ადგილობრივებზე დაყრდნობით წერს, რომ ავტომობილს, რომელიც ქალს დაეჯახა, რუსული ნომრები ჰქონდა. შემთხვევა 21 ივნისს, სილამაზის სალონის წინ მოხდა.
“რუსების ავტომობილი იყო, რუსული ნომრებით, საჭესთან ქალი იჯდა… ამბობდნენ, რომ პედლები აერია და გაზს დააჭირა, მერე კი დაიბნა” – ამბობს თვითმხილველი.
ავტომობილის მძღოლი დაკავებულია, მომხდარზე გამოძიება კი სსკ-ის 276-ე მუხლითაა დაწყებული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. გარდაცვლილი ქალი მიმი კაზალიკაშვილია.