თბილისში აზერბაიჯანელი ახალგაზრდა ქალის მკვლელობის საქმეზე უფლებადამცველი ბაია პატარაია საზოგადოებასა და მედიას რეაგირებისკენ მოუწოდებს და აცხადებს, რომ გამოძიება უნდა იყოს გამჭვირვალე, რათა ფემიციდის საქმე არ დაიმალოს და დამნაშავე პასუხისმგებლობას არ გაექცეს.
“რუსი ინფლუენსერი ქალი, რომელსაც აზერბაიჯანელი ქმარი ყავს ღელავს, რომ მკვლელი დაუსჯელი დარჩება, ფემიციდის ეს საზარელი დანაშაული კი – შეუმჩნეველი, რადგან აზერბაიჯანში ის უკვე „ღირსების დანაშაულად“ მიიჩნიეს. ანუ ნათესავები გოგოს ადანაშაულებენ ყველაფერში და მკვლელს „ღირსების აღდგენის“ მოტივით ამართლებენ. ამიტომ ძალიან მნიშვნელოვანია, რომ ეს საქმე ვიცოდეთ ყველამ: ქართველებმაც, აზერბაიჯანელებმაც, სომხებმაც და თურქებმაც.
იმისთვის, რომ არაფერი მიჩუმათდეს, არაფერი დაიმალოს და მკვლელი დაუსჯელი არ დარჩეს, ჩვენ უნდა ამოვიღოთ ხმა!
მოვუწოდებ ქართულ და არაქართულ მედიებს გამოიძიონ ეს საქმე.
მოვუწოდებ პროკურატურას, ჩაგვრთოს საქმეში მოკლულის დის სახელით, რათა მოგვცეს საშუალება, შევისწავლოთ საქმის მასალები იმ ფემიციდისა, რომელიც უკვე სამ ქვეყანას ეხება” – წერს ბაია პატარაია სოციალურ ქსელში.
დღეს უფლებადამცველმა ბაია პატარაიამ გაავრცელა ინფორმაცია, რომ თბილისში აზერბაიჯანელი ახალგაზრდა გოგო მოკლეს.