რუსი ქალი მოსკოვიდან რუსეთში საწვავის დეფიციტის შესახებ საუბრობს:
„რუსი ქალი: რა ხდება ახლა? დედაქალაქში ბენზინი აღარ არის. ყველა ბენზინგასამართ სადგურზე საწვავის ჩამოსასხმელი უბრალოდ არ მუშაობს…. რა თქვით, რაიმე ლიმიტია? დიზელზეა 60 ლიტრის ლიმიტი თუ ბენზინზეც?
ბენზინგასამართი სადგურის თანამშრომლები: ბენზინი საერთოდ არ არის.
რუსი ქალი: საერთოდ აღარ არის ბენზინი? წარმოუდგენელია… მართლა შოკში ვარ. ხალხი უზარმაზარ რიგებში დგას. ეს უკვე მეხუთე ბენზინგასამართი სადგურია, სადაც საწვავის ჩასასხმელად მოვედი.“ – ამბობს რუსი ქალი მოსკოვიდან, რომელიც ბენზინის რიგშია და ბენზინგასამართი სადგურის თანამშრომლებს ესაუბრება
უკრაინული თავდასხმების გამო რუსეთში საწვავის სერიოზული დეფიციტია. რუსებს ბენზინის შესაძენად ბენზინგასამართ სადგურებთან კილომეტრიან რიგში დგომა საათები და ზოგჯერ მთელი ღამეც უწევთ. საწვავის გაყიდვასთან დაკავშირებით ნავთობკომპანიები და ბენზინგასამართი სადგურები შეზღუდვებსაც აწესებენ. ავტომობილების კილომეტრიანი რიგებია მოსკოვშიც. უკრაინელები რუსეთის სხვადასხვა რეგიონში ნავთობგადამამუშავებელ ქარხნებს ინტენსიურად ბომბავენ.