ხმაური და დაპირისპირება პირველ სამშობიარო კლინიკაში – 32 წლის ქალის ოჯახის წევრები ექიმებისგან პასუხს ითხოვენ, რატომ დამძიმდა პაციენტის მდგომარეობა, გეგმური ოპერაციის ჩატარების შემდეგ – მათი ინფორმაციით, ოპერაციის შემდეგ ქალს სეფსისი განუვითარდა და 2 კვირაა კომაშია
ქალის ოჯახის წევრების თქმით, ექიმი, რომელმაც ოპერაცია ჩაატარა ზაზა ზაუტაშვილია და მას ლიცენზია არ ჰქონდა.
“პატარა ჯირკვალი ჰქონდა. ზაზა ზაუტაშვილმა უთხრა, არანაირი საშიშროება არ აქვს, 15 წუთიანი ოპერაცია არისო, გაგიკეთებო, არანაირი საშიშროებაო, საღამოს წახვალ სახლშიო. საღამოს ვერ წავედით სახლში, იმის მერე ჩემი შვილი მძიმდება და მძიმდება…გთხოვთ დაეხმაროთ ჩემ შვილს, 6 წლის შვილი ჰყავს, არ გაწიროთ. ძალიან გთხოვთ დამეხმაროთ, ღმერთის სახელით” [ტვ პირველი] – ამბობს პაციენტის დედა.
32 წლის ქალის ოჯახი სხვა კლინიკაში ითხოვს გადაყვანას.