დღეს, პარლამენტში ირაკლი კობახიძეს ელოდებიან – მთავრობის მეთაური საკანონმდებლო ორგანოში წლიური ანგარიშით წარდგება. საგაზაფხულო სესიის ბოლო პლენარული სხდომა 12:00 საათზე დაიწყება.
შეგახსენებთ, რომ 23 ივნისს პარლამენტში სახალხო დამცველის ანგარიშს მოუსმინეს. 24 ივნისს გენერალური პროკურორის ანგარიშს, ხოლო 25 ივნისს ანგარიშით გენერალური აუდიტორი წარდგა.
მიმდინარე სასესიო კვირას პარლამენტის წევრები კანონპროექტებს განიხილავენ და საზოგადოებრივი მაუწყებლის სამეურვეო საბჭოს წევრებს აირჩევენ.
ბიუროს სხდომაზე ახალ საკანონმდებლო ინიციატივებზე წამყვანი და სავალდებულო კომიტეტები განსაზღვრეს და საორგანიზაციო საკითხები განიხილეს.