ტაიფუნ „მეხალას“ მოახლოების გამო იაპონიაში ორი მილიონი ადამიანის ევაკუაცია გამოცხადდა.
იაპონიის ხელისუფლების განცხადებით, ტაიფუნი ქვეყნის არაერთ რეგიონში წყალდიდობასა და მეწყერს გამოიწვევს, რის გამოც მათ განსაკუთრებული სიფრთხილისკენ მოუწოდებს.
„როიტერი“ წერს, რომ ძლიერი წვიმა და ქარი იაპონიის სამხრეთ და დასავლეთ კუნძულებს უკვე დაატყდა თავს.
უამინდობის გამო გაუქმდა 200-ზე მეტი ავიარეისი. შეფერხებულია სარკინიგზო გადაადგილებაც.
მედიის ცნობით, ტაიფუნი „მეხალა“ უკვე დაატყდა თავს ტაივანს. ძლიერი წვიმის გამო, კუნძულის დაახლოებით ექვსმა მილიონმა მცხოვრებმა სამსახურსა თუ სასწავლო დაწესებულებაში წასვლა ვერ შეძლო.