მუნიციპალურ სკვერში მოზარდი სიკვდილს სასწაულით გადაურჩა – 14 წლის გოგონა, უგონო მდგომარეობაში ამ დრომდე ერთ-ერთი კლინიკის რეანიმაციულ განყოფილებაშია. ადგილობრივები ყვებიან, რომ დაინახეს როგორ მოიყოლა ქვეშ რამდენიმეტრიანმა რკინის საქანელამ გოგონა, რომელიც თანატოლებთან სკვერში იყო.
საღამოს 18:00 საათზე, მოზარდი თბილისის მერიის რეაბილიტირებულ სკვერში კლასელებთან ერთად იყო. თვითმხილველები ამბობენ, რომ გოგონა სკვერის სკამზე იჯდა, მისი 2 მეგობარი კი მის მოპირდაპირედ ნახევარ -სარწეველაზე იყო. დაინახეს როგორ გადაყირავდა რკინის კონსტრუქცია და იქვე მჯომ გოგონას თავზე დაეცა.
14 წლის მოზარდი უახლოეს კლინიკაში რეანომობილის მოსვლამდე თავად ადგილობრივებმა წაიყვანეს. კიშინიოვის ქუჩის მაცხოვრებლები ამბობენ, რომ გოგონა მძიმე მდგომარეობაში იყო – გატეხილი ჰქონდა თავის ქალა და დაზიანებები მიიღო ხერხელმლის არეში.
ადგილობრივები “პირველებს” უყვებიან რომ სკვერი ახლადრეაბილირიტირებულია. კიშინიოვის ქუჩის მაცხოვრებლების თქმით, რეკრეაციული სივრცე კახი კალაძემ საზეიმოდ 5 წლის გახსნა. მაშინ დაამონტაჟეს საქანელები, რომელიც უბედური შემთხვევის მიხეზი გახდა. ადგილობრივები ამბობენ რომ რკინის მძიმე კონსტრუქცია ფილაქნის ზედაპირზე იყო დამაგრებული, რის გამოც მოწყდა.
მწყობრიდან გამოსული კონსტრუქცია ახლა წაღებულია, მასთან ერთად მერიის წრმომადგნელებმა შემთხვევის ადგილიდან წაიღეს მეორე საქანელაც, რომელიც იქვე მოშორებით იდგა და დაზიანებული არ იყო – რატომ უცნობია. კალაძის უწყებამ მომხდარზე განცხადება მას შემდეგ გაავრცელა რაც მძიმე ამბავი ადგილობრივებმა “ტვ პირველს” შეატყობინეს.
ნაძალადევის რაიონის გამგეობაში ამტკიცებენ, რომ ადგილი ჰქონდა გაუფრთხილებელი მოპყრობის შედეგად ატრაქციონის დაზიანების ფაქტს. განცხადების თანახმად, კონსტრუქცია რამდენიმე მოზარდმა დააზიანა.