ნიკა გვარამია განცხადებას ავრცელებს

ნიკა გვარამია სოციალურ ქსელში განცხადებას ავრცელებს:

“როგორ მუშაობს ბრიტანული სანქციები ქოცური პროპაგანდის წინააღმდეგ:
ტელეკომპანია „იმედს“ ბრიტანული სანქციების ფონზე ორი გლობალური გიგანტი, Procter & Gamble (დღეს გაცხადდა) და Nestle (ცოტა ხნის წინ) ტოვებს.
Procter & Gamble-ს არხზე შეაქვს ისეთი წამყვანი ჰიგიენური ბრენდები, როგორიცაა Pampers, Ariel, Tide, Gillette, Head & Shoulders, Always და Fairy.
Nestle სარეკლამო ბადეში წარმოდგენილია Nescafe-ს ყავით, Nesquik-ის კაკაოთი, KitKat-ისა და Lion-ის შოკოლადებით, NAN-ის ბავშვთა კვებითა და Purina-ს ცხოველების საკვებით.
Procter & Gamble-ის გასვლა „იმედს“ წელიწადში დაახლოებით 3 მილიონ ლარამდე სარეკლამო შემოსავალს აკლებს. ხოლო Nestle-ს გასვლა ტელეკომპანიის ბიუჯეტს წლიურად კიდევ 1.8 მილიონ ლარამდე თანხას გამოაკლებს. ორივე დასავლური გიგანტის წასვლით „იმედის“ ჯამური წლიური ფინანსური დანაკარგი თითქმის 4.8 მილიონ ლარს მიაღწევს. ეს ციფრი ტელეკომპანია „იმედის“ წლიური კომერციული შემოსავლის დაახლოებით 12%-ს შეადგენს.” – წერს ნიკა გვარამია.