საქართველოში ყველაზე რეიტინგული ტელეკომპანია დაასანქცირა მსოფლიოში ყველაზე ურეიტინგო პრემიერმინისტრმა, რომელიც გუშინ ტირილით გადადგა – ამის შესახებ ირაკლი კობახიძემ განაცხადა.
“თქვენ იცით, რომ საქართველოში ყველაზე რეიტინგული ტელეკომპანია დაასანქცირა მსოფლიოში ყველაზე ურეიტინგო პრემიერმინისტრმა, რომელიც გუშინ ტირილით გადადგა – ეს არის კარმა, რომელიც მიუბრუნდა ბატონ სტარმერს. სირცხვილია, რაც მოხდა, ეს არის ბრიტანეთის სირცხვილი, რადგან ბრიტანეთი ტრადიციულად ითვლება ადამიანის უფლებების სამშობლოდ და ბრიტანეთმა გადაწყვიტა დაეხურა საქართველოში ტელევიზია და თავს დასხმოდა თავისუფალ მედიას ჩვენს ქვეყანაში. ეს არის ინგლისის სირცხვილი, ბრიტანეთის სირცხვილი, პირადად სტარმერის სირცხვილი, რომელიც იყო მსოფლიოში ყველაზე ურეიტინგო პრემიერმინისტრი. ჩვენ გაძლევთ გარანტიას, რომ არც ტელეკომპანია იმედს და არც ტელეკომპანია პოსტვ-ის არ შეექმნება არავითარი პრობლემა ფუნქციონირების კუთხით და საქართველოში მედიის თავისუფლება იქნება სრულად დაცული” – თქვა კობახიძემ.
გუშინ დიდი ბრიტანეთის პრემიერმინისტრი კირ სტარმერი გადადგა. მოგვიანებით, სტარმერის გადადგომასთან დაკავშირებით ოცნების პროპაგანდისტულმა იმედმა გამოაქვეყნა ქარდი, რომელზეც დაწერა: “კარმა”. პარალელურად კი ბრიტანულმა მედიამ გაავრცელა ინფორმაცია, რომ კომპანია Nestlem სანქცირებული იმედის ეთერში რეკლამის განთავსებისთვის შიდა გამოძიება დაიწყო .
დიდმა ბრიტანეთმა ]პროპაგანდისტული იმედი და პოს ტვ 2026 წლის 24 თებერვალს დაასანქცირა.