საქართველოში ავტომობილების იმპორტი 4-წლიან მინიმუმზეა – 5 თვეში ქვეყანაში 77 054 მანქანა შემოვიდა

საქართველოში ავტომობილების იმპორტი 4-წლიან მინიმუმზეა – 5 თვეში ქვეყანაში 77 054 მანქანა შემოვიდა – როგორც bpn საქსტატზე დაყრდნობით წერს, 2026 წლის იანვარ-მაისში საქართველოში მსუბუქი ავტომობილების იმპორტი შემცირდა
იანვარ-მაისში ქვეყანაში შემოსული 77 054 ავტომობილის საერთო ღირებულებამ 1.251 მილიარდი დოლარი შეადგინა.
2025 წლის ანალოგიურ პერიოდში იმპორტირებული იყო 90 434 ავტომობილი, რომლის საერთო ღირებულებაც 1.567 მილიარდ დოლარს შეადგენდა. ბოლო ერთი წლის მონაცემების შედარებით, ავტომობილების იმპორტი რაოდენობრივად 14.8%-ით, ხოლო ღირებულებით დაახლოებით 20.2%-ით შემცირდა.
საქართველოსთვის ავტომობილების მთავარი მომწოდებელი ამერიკის შეერთებული შტატებია. მხოლოდ 2026 წლის იანვარ-მაისში ამერიკიდან 58 881 ავტომობილი შემოვიდა, რომლის ღირებულებამ 698.1 მილიონი დოლარი შეადგინა.
მეორე ადგილზეა გერმანია – 2 000 ავტომობილითა და 171.2 მილიონი დოლარის იმპორტით, ხოლო მესამეზე იაპონია – 7 487 ავტომობილით და 166.5 მილიონი დოლარის ღირებულებით.