პირველი სკოლის მიმდებარე ტერიტორიაზე, აქციებზე დაკავებული პატიმრების მხარდასაჭერად წერილები გროვდება. ნებისმიერ მსურველს შეუძლია მივიდეს ადგილზე და საკუთარი გზავნილი წერილობით გაუგზავნოს პროევროპული აქციების დროს დაკავებულ მოქალაქეებს.
წერილებს პატიმრების ოჯახის წევრები აგროვებენ, რომლებიც დღის ბოლოს უკვე საპატიმროებში, ადრესატებთან შეაგზავნიან. მშობლების თქმით, მსგავსი მხარდაჭერა პატიმრებისთვის განსაკუთრებით მნიშვნელოვანია.