72 წლის ექიმი გიორგი ჩახუნაშვილი განაჩენის გამოცხადების შემდეგ.
მოსამართლე გიორგი გელაშვილმა 4 ოქტომბრის საქმის ბრალდებულები დამნაშავედ ცნო და პატიმრობა მიუსაჯა. ექიმ გიორგი ჩახუნაშვილს, ასევე დავით ჟღენტს, კონსტანტინე კოკაიას, კახაბერ მჟავანაძეს, ზაქრო ალბუთაშვილსა და დავით სტურუას 5-5 წლით თავისუფლების აღკვეთა, ია დარახველიძეს კი 3-წლიანი პატიმრობა მიესაჯა. ექიმი გოგი ჩახუნაშვილი და ია დარახველიძე საქმის განხილვის პერიოდში გირაოს სანაცვლოდ იყვნენ გათავისუფლებულები. მათი პატიმრობა დაკავების დღიდან აითვლება. მათ გირაოს თანხა უკან დაუბრუნდებათ. ექიმი გოგი ჩახუნაშვილი სხდომათა დარბაზშივე დააკავეს.