უაინონა რაიდერმა გამოცემა Harper’s Bazaar-ის ივლისის გარეკანი დაამშვენა და ჟურნალთან ჯონი დეპთან განშორების შემდგომ პერიოდზე ისაუბრა.
50 წლის მსახიობმა აღნიშნა, რომ ჯონი დეპთან დაშორების შემდეგ ის თავს ცუდად გრძნობდა და მდგომარეობიდან გამოსვლას დიდი ხნის განმავლობაში ვერ ახერხებდა. მან საკუთარი ფსიქიკური მდგომარეობა თავის კინო-გმირს შეადარა ფილმიდან „შეწყვეტილი ცხოვრება“.
„ძალიან რთული პერიოდი მქონდა, ჩაკეტილი ვიყავი საკუთარ თავში, სიძულვილის ეტაპის გადალახვაში მიშელ პფაიფერი დამეხმარა. ის სულ მეუბნებოდა, რომ ეს ყველაფერი ერთ დღეს გაივლიდა, თუმცა არ ვუჯერებდი.
ძალიან მაღიზიანებდა ის ფაქტი, რომ ჯონი მოძალადედ გამოჰყავდათ. ძალადობა შორსაა იმ ჯონი დეპისგან, რომელსაც მე ვიცნობ და რომელიც მიყვარდა. ის ჩემს მიმართ ყოველთვის თბილი იყო და ჩემზე არასოდეს უძალადია, უხეშადაც კი არასდროს მომქცევია.”- განაცხადა რაიდერმა.
დეპი და რაიდერი ერთმანეთს 1993 წელს დაშორდნენ. აღსანიშნავია, რომ ემბერ ჰერდთან სასამართლო დავის დროს უაინონა ჯონი დეპს გვერდში დაუდგა და მის სასარგებლოდ ჩვენებაც მისცა.