22 წლის კანადელი ტურისტი, რომელიც თბილისში საზღვარზე სამკურნალო მედიკამენტ „ადერალის“ გამო დააკავეს, საპროცესოს გაუფორმებენ – ინფორმაციას რადიო თავისუფლება ბრალდებულის ადვოკატის განცხადებაზე დაყრდნობით ავრცელებს. ადვოკატი, გიგა ბაკურაძეს თქმით, შეთანხმება „დაცვის მხარისთვის მისაღები პირობებით გაფორმდება“ და ბრალდებული საპატიმროს 30 000-ლარიანი ჯარიმის გადახდის სანაცვლოდ დატოვებს.
ადვოკატის ინფორმაციით, 25 ივნისს დანიშნულ წინასასამართლო სხდომამდე საპროცესო შეთანხმების ოქმები უკვე ხელმოწერილი იქნება და დასამტკიცებლად სასამართლოს წარედგინება.
22 წლის კანადელი ტურისტი 30 აპრილს თბილისში საზღვარზე სამკურნალო მედიკამენტ „ადერალის“ გამო დააკავეს. მას ნარკოდანაშაულს ედავებიან. კანადელ ახალგაზრდას თან არ ჰქონდა წამლის 1-თვის მარაგი და რეცეპტის ქართული თარგმანი, საქართველოში კი ეს მედიკამენტი ნარკოტიკულ ნივთიერებად კლასიფიცირდება. 22 წლის საიმონი გლდანის ციხეშია.