ილია თოფურიას ორივე თვალბუდის ძვლის მოტეხილობა აქვს, თუმცა ოპერაცია საჭირო არ იქნება – ინფორმაციას Eurosport-ის ესპანეთის ბიურო ავრცელებს და წერს, რომ UFC-ის ქართველი მებრძოლი ვაშინგტონის საავადმყოფოდან უკვე გაწერეს. როგორც გამოცემის ჟურნალისტი, ალვარო კოლმენერო ამბობს, თოფურიას მარჯვენა თვალი მარცხენაზე მეტად აქვს დაზიანებული.
აშშ-ში, თეთრი სახლის წინ გამართულ ბრძოლაში გუშინ თვალის დაზიანების გამო ილია თოფურიას ბრძოლის გაგრძელების უფლება არ მისცეს და მეოთხე რაუნდის შემდეგ გამარჯვებული ჯასტინ გეიჯი გახდა. მოგვიანებით ილია თოფურიამ მიმართვა გაავრცელა, სადაც მან ჯასტინს გამარჯვება მიულოცა და დაწერა: “დიდება და ტკივილი გვერდიგვერდ დადიან…დავბრუნდები უფრო ძლიერი, ბრძენი და გაცილებით უფრო საშიში. ეს ისტორია ჯერ არ დასრულებულა. ჩვენ რევანში გვექნება”.