“დაკავებამდე არ მეგონა, ასეთი მნიშვნელოვანი ადამიანი თუ იყავი ჩემს ცხოვრებაში“ – ჟორჟოლიანი გვარამიას

ჟურნალისტმა ნანუკა ჟორჟოლიანმა „მტავარი არხის“ ეთერში ნიკა გვარამიას მიმართა და აღნიშნა, რომ ის მისთვის ძალიან ძვირფასი და მნიშვნელოვანი ადამიანია.

„მიყვარხარ ძალიან და რამდენად ძვირფასი და მნიშვნელოვანი ადამიანი ხარ ჩემთვის ეს აღმოვაჩინე შენი დაკავების შემდეგ იმიტომ, რომ სინამდვილეში მთელი ამ კრიზისების და იმ პრობლემების დროს რომელიც მე გავიარე, იქნებოდა ეს პირადი, ჯანმრთელობა თუ ნებისმიერი გამოწვევა, აღმოჩნდა რომ სერიოზული ძალა ყოფილხარ ჩემთვის, რადგან ყველა კრიზისის დროს შენ იყავი ერთ-ერთი ადამიანი რომელიც მახსენდებოდი, რომლის ტელეფონის ნომერიც მახსენდებოდა, რომელიც  ყოველთვის მპასუხობდი რომელი სააათიც არ უნდა ყოფილიყო, ეხებოდა ეს პრობლემა ჩემს შვილს, მე, თუ ასე შემდეგ.

შენ რომ დაგაკავეს მე დამჭირდა გარკვეული პერიოდი რომ აზრზე მოვსულიყავი და სიმართლე გითხრა დაკავებამდე არ მეგონა თუ ეს ასე იქნებოდა. ამდენად მნიშვნელოვანი ადამიანი თუ იყავი ჩემთვის, მე ამას აქამდე ვერ აღვიქვამდი. იცოდე რომ ძალიან ძვირფასი ხარ ჩემთვის, იცოდე რომ ძალიან მიყვარხარ და იცოდე რომ რაც მე შემიძლია, ყველაფერს გავაკეთებ იმისთვის, რომ „მთავარი“ დაგხვდეს ადგილზე.“ – განაცხადა ნანუკა ჟორჟოლიანმა