ვინ ინიშნება უზენაეს სასამართლოში? – იუსტიციის უმაღლესმა საბჭომ 6 მოსამართლიდან არჩევანი დავით მამისეიშვილზე შეაჩერა და სწორედ მისი კანდიდატურა გადაუგზავნა საქართველოს პარლამენტს.
მოსამართლე დავით მამისეიშვილი ისეთ გახმაურებულ საქმეებს განიხილავდა, როგორიცაა ე.წ. ბიტკოინების საქმე, სადაც მომჩივანი ბძინა ივანიშვილი, ხოლო მოპასუხე გიორგი ბაჩიაშვილი იყო, ასევე განიხილავდა კოალიცია “ცვლილებისთვის” ერთ-ერთი ლიდერის, ნიკა გვარამიას და “რუსული კანონის” აქციების დროს დაკავებული პირის საქმეებს, ბათუმში მუშაობის დროს კი მიხეილ სააკაშვილის მიერ საზღვრის კვეთის საქმეს.
ცნობილი ხდება, რომ უზენაესი სასამართლოს მოსამართლის პოსტზე კანდიდატურა მოხსნა მოსამართლე დიმიტრი გვრიტიშვილმა. ის “პირველებთან” საუბრისას ამბობს, რომ ობიექტური მიზეზები ჰქონდა, რის გამოც ჩათვალა, ამ ეტაპზე საქმიანობა სააპელაციო სასამართლოში გააგრძელოს.
მისივე განმარტებით, ეს გადაწყვეტილება თავად მიიღო და კანდიდატურის მოხსნის თაობაზე მურუსიძესთან და ჩინჩალაძესთან არ უსაუბრია.
გარკვეული ობიექტური მიზეზები მქონდა, რის გამოც ამ ეტაპზე ჩავთვალე, რომ საქმიანობა უნდა გავაგრძელო სააპელაციო სასამართლოში. მეტ კომენტარს ვერ გავაკეთებ ამ ეტაპზე. არანაკლებ მნიშვნელოვანია სააპელაციო სასამართლოში საქმიანობა, აქედან გამომდინარე ამაში არაჩვეულებრივი არაფერი არ არის. ამ ეტაპზე ჩავთვალე, რომ ეს არის ჩემთვის უფრო კარგი გადაწყვეტილება.
ამ საკითხზე კომუნიკაცია რატომ უნდა მქონოდა [მურუსიძესთან და ჩინჩალაძესთან], ეს ჩემი პირადი გადაწყვეტილებაა. რასაკვირველია [გვაქვს კომუნიკაცია ჩინჩალაძესთან], სასამართლოს თავმჯდომარეა, ჩვენ მასთან გვაქვს კომუნიკაცია, ძალიან ხშირად ვნახულობ. თავმჯდომარე მისთვის, მის კომპეტენციას მიკუთვნებულ საკითხებს იხილავს ზეპირი მოსმენის გარეშე” – განაცხადა დიმიტრი გვრიტიშვილმა “პირველებთან” საუბრისას.
ცნობისთვის, მოსამართლე მაია ვაჩაძეს მუშაობის უფლება 2027 წლის აპრილამდდე აქვს.