ნინო წილოსანის პოსტზე დაწერილი კომენტარის გამო ადვოკატი შოთა თუთბერიძე სასამართლომ 4 000 ლარით დააჯარიმა.
გადაწყვეტილება საქალაქო სასამართლოში მოსამართლე დავით მაკარაძემ გამოაცხადა.
საქმე ეხება ნინო წილოსანის 2 ივნისის პოსტზე თუთბერიძის მიერ დატოვებულ კომენტარს, სადაც მან დაწერა:
“მანდაც დე*ის ტ***ი უნდა გაგინონ, ნინიკო, თუ უბრალოდ ზოოპარკს ნახავთ და უცებ წამოხვალთ?”
პოსტი კანადაში ვიზიტს ეხებოდა.
თუთბერიძე პირველია, რომელიც შსს-ში სიძულვილის ენის წინააღმდეგ ბრძოლის სამმართველოს ამოქმედების შემდეგ სასამართლომ სამართალდამრღვევად ცნო.
საჩივარი ნინო წილოსანს არ შეუტანია, საქმის წარმოება შსს-ის „სიძულვილის ენის წინააღმდეგ ბრძოლის სამმართველომ“ დაიწყო ადმინისტრაციულ სამართალდარღვევათა კოდექსის 173/16 მუხლის პირველი ნაწილით, რაც რაც გულისხმობს პოლიტიკური თანამდებობის პირის სიტყვიერ შეურაცხყოფას გულისხმობს. ოქმის შემდგენელი შსს-ს განსაკუთრებით მნიშვნელოვან საქმეთა ინსპექტორი სანდრო კეპაშვილია.
თუთბერიძის თქმით, ნინო წილოსანს მის მიერ დაწერილი კომენტარის შესახებ ინფორმაცია თავადვე მიაწოდა – წილოსანი მალე პასუხს დაჰპირდა, თუმცა არ უპასუხია.