“კიდევ რა უნდა ჩაიდინოს კრემლის ანტიქრისტემ, რომ მსოფლიომ გააცნობიეროს გადამწყვეტი მოქმედების აუცილებლობა?” – მიტროპოლიტი ეპიფანე

მიტროპოლიტი ეპიფანე, კიევისა და სრულიად უკრაინის მართლმადიდებელი ეკლესიის ხელმძღვანელი განცხადებას ავრცელებს:

“რუსული დაბომბვის შედეგად, 15 ივნისის ღამეს, ქრისტიანული სამყაროს ერთ-ერთი უწმინდესი ადგილის – კიევის პეჩერის ლავრის მიძინების საკათედრო ტაძრის სახურავი იწვის. გთხოვთ ლოცვას, რათა ეს სიწმინდე განადგურებას გადაურჩეს.
ეს არის მორიგი რუსული დანაშაული კაცობრიობის, ისტორიისა და ქრისტიანობის წინააღმდეგ.
კიდევ რა უნდა ჩაიდინოს კრემლის ანტიქრისტემ, რომ მსოფლიომ გააცნობიეროს გადამწყვეტი მოქმედების აუცილებლობა, რათა დასრულდეს რუსული ტერორი უკრაინისა და მშვიდობის ფუნდამენტური პრინციპების წინააღმდეგ? ყოვლადწმინდა ღვთისმშობელო, შეაჩერე ჰეროდე!“ – წერს მიტროპოლიტი ეპიფანე.